चंखे शंखे पंखे'(गीति भिडियो सहित)

       महंगो बजेटमा निर्माण भएको भनिएको चलचित्र ‘चंखे शंखे पंखे’को एक क्लब गीत सार्वजनिक भएको छ । महंगो सेट लगाएर छायांकन गरिएको ‘तिम्रो लाली जोवन देखेर’ बोलको गीतलाई गोविन्द राइले कोरियोग्राफी गरेका हुन् । यो गीतमा चलचित्रका मुख्य ४ पात्र सुदर्शन थापा, सुवास थापा, प्रेम पुरी र पूजा शर्मा देखिएका छन् । गीतको अधिकांश दृश्य नायिका पूजा शर्माको वरिपरी घुमेको छ । सुदर्शन थापाले निर्देशन गरेको यो चलचित्रलाई सन्तोष सेनले निर्माण गरेका हुन् । चलचित्रको बजेट एक करोड माथिको भनिएको छ । सार्वजनिक गीतमा डाक्टर कृष्णहरी बरालको शब्द, ताराप्रकाश लिम्बुको संगीत, सन्तोष लामा र मिलन अमात्यको स्वर छ । यो गीतलाई क्लबमा रुचाइने विश्वास गरिएको छ । ३ यूवा र उनीहरुको राष्ट्रियतालाई चलचित्रले देखाएको छ । चलचित्रलाई पूर्णतया कमेडी बिषयमा तयार पारिएको निर्देशक थापाको भनाई छ । यो चलचित्र जेठ १ गतेबाट प्रदर्शनमा आउँदैछ ।