नेपाली चलचित्र 'मेरो भ्यालेनटाइन' को बुधबार राजधानीमा एक कार्यक्रमका बीच पोस्टर र प्रोमो सार्वजनिक गरिएको छ ।
सुरज सुब्बा निर्देशित चलचित्र ‘मेरो भ्यालेनटाइन’ को आधिकारिक पोस्टर निर्माता संघका अध्यक्ष राजकुमार राईले सार्वजनिक गरेका थिए । पछिल्लो समयमा व्यस्त निर्देशकका रूपमा कहलिएका सुरजको यो पछिल्लो चलचित्र हो । चलचित्र ‘बाटोमनिको फूल’ सुपरहिट भएपछि लेखनबाट निर्देशनमा चम्केका सुरज निर्देशित ‘फेसबुक’ यतिखेर विभिन्न स्थानमा प्रदर्शन भइरहेको छ । कार्यक्रममा चलचित्र ‘मेरो भ्यालेनटाइन’ अष्ट्रेलियाबाट प्रदर्शन सुरु गर्ने निर्देशक सुरजले बताए । उनले भने, ‘यो चलचित्र दुई महिनापछि अष्ट्रेलियाबाट प्रदर्शनमा आउने छ ।’
शफ्ट इमेज इन्टरटेनमेन्टको प्रस्तुति रहेको चलचित्र ‘मेरो भ्यालेनटाइन’ सुशील श्रेष्ठले निर्माण गरेका हुन् । चलचित्र ‘मेरो भ्यालेनटाइन’ मा निशा अधिकारी, बाबु बोगटी, स्वतन्त्रप्रताप शाह र सुस्मिता ढकालको मुख्य अभिनय रहेको छ । निर्देशक सुरजले यस लगत्तै चलचित्र ‘वितेका पल’ र वान वे’ निर्देशन गर्दैछन् । ‘वान वे’ राजकुमार राईले निर्माण गर्न लागेका हुन् ।
No comments:
Post a Comment
कस्तो लग्यो त ?? प्रतिक्रिया दिनुहोस् !